Главная  >  Наука   >  История   >  История России   >  История России в документах


О том же от послания Фотея митрополита всеа Русии во Псков о вдовствующих попех. Гл. 78

11 октября 2007, 24

Слышание мое, что де суть в вас, которые попы и дияконы вдовцы тако и пребывают в мирских и священствуют. Ино священником мирским, докогда богу благоволившу, во времен ной их жизни с их подружии быти, и тогда священству их бысть. А егда богу вземшу их подружия, и по вышереченному пол их телес, то мертвы суть; и земля своего тела естественного в растление червем прият. И должни суть таковии, благодаря божия судбы и его повеления, в монастыри отходити и во иноческая одеяния от настоятеля духовного игумена острищи собе. И о своих согрешениях, и о своем конце, и о своем ответе рыдающе, и обновив себе, о всем чистым покаянием к своему духовному отцу и по достоинству: аще суть достойни, и тогда да священствуют таковии в монастырех, а не в мирских. И се же убо по божественных отец преданию во всей своей святей митрополии, отнюдуже в ню приидох. И таковое запрещение и заповедь священником вдовствующим возложих. Но и ныне грех ради наших и нужи ради, и ради божиих казней смертоносных на ны належащих на мало время от воздержания тех разреших. А ваше великое божие священство благословляю от мирских прейти со обновлением всяко духовным по достоинству во священноиноческая и юже ризу подобия одеяния ангельского восприяти хощете. И тако сию нескверну и чисту потщитеся со единородною своею безсмертною душей представит своему владыце. А ослушание о сем никако буди в вас, еже в мирских священствовати.

Русская Цивилизация
Читайте также:



©  Фонд "Русская Цивилизация", 2004 | Контакты