Главная  >  Наука   >  История   >  История России   >  История России в документах


О освящении церкви. И о том соборной ответ по священным правилом. Гл. 44

11 октября 2007, 29

О еже о освящении церкви и о великом освященном мире и о священных антимисех. Ничтоже по священным правилом епископом или презвитером за освящение истязати ниже на мнозей цене сребра продавати, освященная бо никогда же продаваются, но туне приемлема и туне подаваема разве проторов церковных, но и того от них не истязати. Но иже создатели храма от благочестивых царей и от благоверных князей и бояр и вельмож и ото всех православных хрестьян по своей им к богу вере и желанию сердечному ко святому храму егоже во имя владыки Христа и пречистые Богородицы или во имя которого от небесных сил или от которых от святых созиждут храм, и приносимая от них по их силе и вере за великое миро и за освященные антимисы радостно и со благодарением епископы и протопопы и священники приемлют, а не истязуют селико или толико нам сребра взяти, cue бо божественными правилы вконец отречено бысть. Якоже глаголет правило святаго собора 23: "О еже ниединому ниже епископу, ниже презвитеру, ниже дьякону дающи пресвятое комкание от причащающагося истязати ради таковаго комкания или пенязей или иное что таковое, не продаема бо есть благодать, ниже пенязми освящения духа причащаем недостойных дара, нековарственно достоит причащати. Аще же явится некий от причащаемых в клирос, прося от причащающагося пречистого комкания каковыя нибудь вещи, да извержется, яко ревнитель заблужения и коварства Симонова". Толк. Сии обычай древле бысть некогда, и неподобен есть того ради, и возбраненно бысть святыми отцы собора сего. Аще кто от хотящаго креститися истязует его, глаголя: "Не имам тебя крестити", во иноческий же чин хотящу ему пострищися возглаголет: "Не имам тебе пострищи во иноческий чин"; такоже и хотящему причащатися божественных таинств возглаголет: "Не имам тебе причастити святых божественных таинств, аще не даси ми толико сего и сего, якоже ценою мя продавати и куповати", месть се несть - непродаема бо есть святаго Духа благодать и немерима ценою продаяния и купования, да покажется таковый не творити тако, аще ли не послушает отметается. Хотящий же крещатися или во иноческий чин пострищися или божественных таинств причащатися сами дают презвитерам и дьяконом и прочим причетником, елико кто по своей силе: богатый по своему богатству и паче же по вере и по любви ко Христу богу, такоже и убогий и нищий, а не по истязанию и по преданию, - вcи, бо дают и богатии и убозии и нищия своего ради спасения, священнии же и пищу и прочая потребы от сих себе имеют, якоже и земледелате-ли от плода вкушают труда своего и якоже воини воинствующей оброки своими довлеются, якоже рече апостол: "Кто воинствует оброки своими коли" и прочее. Колику же беду имать священник, егда еговым небрежением изыдет, oт жития сего лишен таковыя спасительныя благодати. Аще дц восхощет священник сребра или злата или иныя какия веши от таковых якоже куповати и продаяти, и изыдет кто от жития сего некрещен или вторым крещением во иноческий чин непострижен или божественных таинств не сподоблен о сем что изглаголати, и того ради ссужается той извержением. О том же правило 19 святаго вселенского седмаго собора и правило 73 святых апостол. "Сосуд злат или сребрен обещен быв или поняву или брачину к тому никтоже на свою потребу да не освоит, беззаконно бо се. Аще ли кто обличен будет се творя, третьягонадесят отлучения да приимет запрещение". Толк. Богови отлученных не подобает осквертити", освященна бо суть. Аще сосуд есть или ино что, аще завеса или постав злат или поволока, аще масло будет или воск принесением бо их в божию церковь освящаются таковая, не подобает бо ни воску, ни масла взяти от церкви ни иного ничего никакого сосуда, ни завесы, ни постава, ни поволоки, ни ризы, ни платка, - вся бо та богови возложена суть, и не достоит их на свою потребу взимати, того бо ради и отлучению повинни суть, ибо Ахар украде, иже еще не принесена бяху ни освящена богу, не токмо обещана, и обаче прият месть со всем родом камением побьем бысть.

Русская Цивилизация
Читайте также:



©  Фонд "Русская Цивилизация", 2004 | Контакты