Главная  >  Наука   >  История   >  История России   >  История России в документах


О стрижении брад. Гл. 40

11 октября 2007, 27

Такоже священная правила православным крестьянам всем возбраняют не брити брад и усов не постригати. Таковая бо честь православных, но латынская и еретическая предания гре-Ческаго царя Костянтина Ковалина, и о сем апостольская и отеческая правила велъми запрещают и отрицают. Правило святых апостол сице глаголет: "А ще кто браду бреет и преставится тако, не достоит над ним служити, ни сорокоустия по нем пети, ни просвиры, ни свещи по нем в церковь принести, с неверным да причтется, от еретик бо се навыкоша". О том же правило 11 шестого собора иже в трулле полатнем о остризании брад. Что же о пострижении брады не писано ли в законе: не постризайте брад ваших, се бо женам лепо, мужем же не подобно. Создавый бог судил есть Моисеови рече: "Постризало да не взыдет на браду вашу, се бо мерзость есть пред богом". Ибо от Костянтина царя Ковалина еретика на том бо ecu знаху, яко еретическия слуги суть брады им по-стризати. Вы же, се творяще человеческого ради угождения, противящеся законом, ненавидимы от бога будете, создавшего нас по образу своему, аще убо хощете богу угодити отступите от зла. И о том сам бог Моисеови речи, и святыя апостолы запретиша, и святыя отцы прокляша и от церкви таковых отвер-гоша, и того ради страшного прощения православным таковаго не подобает творити. И вы, священные протопопы и все свя-щенницы, и всех о тех предиреченных наказаниих по священным правилом детей своих духовных, всех православных крестьян поучали бы и наказывали, чтобы ото всех тех злых отреченных дел престали, и жили бы в чистоте и в покаянии и в прочих добродетелях. А вы бы, все православные крестьяне, отцов своих духовных чтили и слушали и повиновали-ся им о бозе во всем и честны их имейте, занеже им от бога дана власть над нами: аще кого свяжут на земли, той и на небеси связан будет: аще ли кого разрешат на земли, той на небеси разрешен есть. И вы бы по той данной им от бога власти безо всякого прекословия отцов своих духовных чтили и слушали. А вы бы, отцы духовные, о всем о том брегли накрепко по евангельскому Христову словеси: "Вы есте свет миру, вы есте соль земли. Аще свет стемнеет, то тма кольми паче; аще соль обуяет, то изсыпана бывает вон и попираема человеки". Якоже и Григорий Богослов речи и Дионисий Ареопагицкий; подобает священнику свету быти таже и осветити; подобает священнику чистоту быти таже очищати; подобьет священнику святу быти таже освящати. И священный Златоуст Иванн написа: "Серафимы есте плотяные, нелепо вам прилежати вину, и сего ради великого страшного священства вам от бога порученная власть вязати и решали, и пасти Христово стадо словесных овец, и вы бы священницы о всем о том потщалися, елика ваша сила, занеже вам отцем духовным по Господни заповеди о всех своих духовных детях и о их единородных и без-смертных душах ответ дати во второе пришествие господа нашего Исуса Христа. Аще сия исправите, то блажени будете и от бога велику мзду восприимете и со дерзновением во он день речете: "Се аз и дети изже ми ecu дал", такоже и сами от владыки Христа сладкого и божественного оного гласа услышите: "Приидете благословеннии Отца моего. Наследуйте уготованное вам царство от сложения миру" и прочее по евангельскому словеси".

Русская Цивилизация
Читайте также:



©  Фонд "Русская Цивилизация", 2004 | Контакты