Главная  >  Наука   >  История   >  История России   >  История России в документах


О втором же браку и троеженцех. Гл. 23

11 октября 2007, 19

А второму браку венчания несть, но токмо молитва по правилом, и третьему молитва под запрещением по священным правилом. Второму - 2 лета епитемьи, аще будет млад, то едино лето. А тертьему пять лет от общения и ото всякия святыни. А четвертый бы брак от вас никогда же не именовался, четвертый же брак и законниц правила возбраняют, блудяй убо себе единому неправду сию имеет. А иже четвертого брака яко рекше себе смесив поругается, убо сим возбраняющим божественным и священным правилом, он убо который разрушает божественных и священных правил, каковое имеет благочестие и каковый ответ ждет на страшном суде, той убо и сам себе отлучи от славы божия. Богословию же тезоименитый великий Григорий: первый, рече, брак-закон, вторый-прощение, третий-законопреступление, четвертый-нечестие, понеже свинское есть житие. Премудрый же цар Лев и к четвертому браку совокупился бяше. И во отлучение впаде от Николы патриарха. Ему же много моляшеся царь, еже разрешит его от таковаго связания. Якоже он неумолен бысть, от церкви его изгна и в него место паки Евфимия мужа освященна постави на патрияршество. И сему много молящеся, еже разрешити его от таковаго связания, и не токмо разреши его, но отвержена и непрощена сотвори ради четвертого браку со множайшими святытельми возбранив ему.

Русская Цивилизация
Читайте также:



©  Фонд "Русская Цивилизация", 2004 | Контакты