Главная  >  Наука   >  История   >  История России   >  История России в документах


Соборной ответ о запоне святого олтаря, когда отверзается и когда затворяетца по уставу честных монастырей святые горы и иаръствующаго града. Гл. 11

11 октября 2007, 24

Егда хощет быти святая литоргия по совершении проскомидия по отпусте часовнем, отверзаются и по отпусте часов святыя двери затворяются. Запона же отверзена бывает даже до переноса святых даров, абие затворяются святые дверца вкупе и запона и не отверзаются до совершения святаго причащения, егда же случится един иерей, егда же с дияконом- отверзается запона по исполняя молитвы, еже по изрядной. Егда же возгласит иерей святая святых, абие затворяется запона, даже до совершения святаго причащения, якоже выше рехом. И по причащении отверзается. По отпусте же литоргии совершение затворяется. На вечерни же начиная отверзается запона и стоит отверзена даже до отпуста. На утрени такоже. А по отпусте первого часа затворяется. И егда молебны поются, такожде от начала и до отпуста отверзена бывает. Егда же часове поются без литоргии, отверзается запона к чтению апостола и стоит отверзена до отпуста, а по отпусте затворяется. Известно же буди cue, ибо святая двери никогдаже не отверзаются точию на выход и на исход и на целование евангелия, от сих на святых тайн и на да исполнятся уста. Аще кто хощет последовати святых отец писанию и повелению, ведущаго да вопрошает, бояся молчания и самочинных учений, понеже самочинно ходя-ще во многи беды впадут. Якоже глаголет святым Дорофей: самочинник не может спастися. Мнози бо мнящеся право су-ществовати и безпутием заблудиша, увы мне, якоже аз.

Русская Цивилизация
Читайте также:



©  Фонд "Русская Цивилизация", 2004 | Контакты