Главная  >  Наука   >  История   >  История России   >  История России в документах


Указ о звону и о церковном пении по уставу и по священным правилом ничтоже претворяюще. Гл.7

11 октября 2007, 26

Подобает ведати и о святей божий службе, яко в суботу убо в начале четвертого часа должно есть звонити и начинати, яко да станет трапеза в начале пятого часа. В неделю же в начале третъяго часа должно есть звонити и начинати, яко да станет трапеза в начале четвертого часа. Такоже подобает бывати в господския великия праздники, рекше богородичны, и христовы, и предтечевы, и обоих верховных апостол Петра и Павла. Сих убо всех купно, яко и во дни недельные, должно есть служба творити в начале третъяго часа. В средния же праздники в начале пятого часа, яко да станет трапеза в начале шестого часа. Малые же праздники, равно прочим вседневным в начале пятаго часа, и отдается во свое время, трапезе же подобает стояти во свое время на кийждо день, или постен день есть или и прост, отходити яве яко койждо по скончания святыя службы. И во время трапезы паки сбиратися, сему должно есть бывати, егда хотят ясти в девятый час или вечер сице же убо подобает творити и в малыя четыредесятница о святей службе и о пищи, кроме яве убо великия четыредесятница. Великая убо четыредесятница ин устав имать, якоже всюду законно творится. Cue же разсужение святые службы учмлш есмы ово or устава студийского ово же святыя горы, якоже тамо о посте святых апостол завещает, якоже научихомся и имамы, лучшее же виде и сматряет. И егда же лучится благочестивому царю изыти с своим христолюбивым воинством на земские дела за святыя церкви и за православную хрестьянскую веру против своих недругов, и тогда царю закон о божественном и о церковном правиле не полагается, по рекшему могий вместити да вместит. И по божественному апостолу по нужи и закону преложение бывает. И о том подобает архиереем и иереем и всем священным собором за благочестивого царя и за все его христолюбивое воинство великого бога молити, да не вменит ему господь таковая во грех, дондеже на царский свой престол здрав возвратится. И егда же пребывает Царь в царствующем своем граде Москве, и тогда повелевает звонити и пети по уставу и по преданию святых апостол и святых отец развес великих земских неотложных дел, да и о том от бога прощение приемлет. Да в царствующем же граде Москве царских ради служебников и торговых ради людей и больных ради православных хрестьян, как час ударит дни, звонити и пети обедни на другом часу у Спаса на царском дворце, да у Спаса смоленского, да у Николы чюдотворца у каменного люсгу. А по иным церквам звонити и обедни служити по уставу и по преданию святых апостол и святых отец ничто-лсе претворяюще. Такоже и по иным по всем градом таковыя ради нужда звонят и поют обедни о всем потому, якоже и преди рехом.

Русская Цивилизация
Читайте также:



©  Фонд "Русская Цивилизация", 2004 | Контакты